ОШМПУ ЖАНА АНДИЖАН МАМЛЕКЕТТИК ПЕДАГОГИКАЛЫК ИНСТИТУТУ КЫЗМАТТАШАТ

Ош мамлекеттик педагогикалык университетинин окутуучулары Өзбекстандын Андижан мамлекеттик педагогикалык институтунда болду.

24-февраль күнү университеттен түзүлгөн педагогика илимдеринин кандидаты, доцент Шамир Мондошов баштаган делегация Андижан мамлекеттик педагогикалык институтунда конокто болушту. Алгач конокторду институт жетекчилиги, профессордук-окутуучулар жамааты жана студенттер тосуп алышты. Иш сапардын жүрүшүндө расмий жолугушуу уюштурулуп, андан соң өкүлдөр институттун ишмердүүлүгү, окуу процесси жана илимий изилдөө багыттары боюнча презентацияларга күбө болушту.

Мындан сырткары эки жогорку окуу жайдын ортосунда эл аралык кызматташтыкты бекемдөө максатында педагогика тармагына инновациялык ыкмаларды киргизүү, академиялык мобилдүүлүк жана биргелешкен билим берүү программалары тууралуу бир катар сүйлөшүүлөр жүрдү.

Ошондой эле Кыргыз – Россия факультетинин окутуучулары институттун студенттерине атайын конок лекцияларды окуп, практикалык сабактарды өтүштү. Иш чаранын соңунда окуу процессине активдүү катышкан мугалимдерге сертификаттар тапшырылды.

Белгилей кетсек бул иш сапары эки жогорку окуу жайдын ортосундагы кызматташтыкты бекемдөө, эл аралык академиялык алмашууну өнүктүрүү жана заманбап билим берүү тажрыйбаларын өз ара ишке ашыруу үчүн жаңы мүмкүнчүлүктөрдү түзүү максатын көздөйт.