ОшМПУда Алымбек Датканын 225 жылдыгы белгиленди

Ош мамлекеттик педагогикалык университетинин Кыргыз-Россия факультетинде “Кыргыздын чыгаан уулу – Алымбек датка” аталышында иш-чара өттү.

Ага факультеттин окутуучулары жана студенттери катышып, улуу тарыхый инсандын өрнөктүү өмүр жолун дагы бир ирет эскеришти.

КТ-23 тайпасы жана куратору Гүлбара Көлбаеванын демилгеси менен уюштурулган иш-чарада таланттуу студенттер тарабынан ыр-бийлер, көркөм окуулар, сахналык көрүнүштөр жана атайын даярдалган видео тасма көрсөтүлдү. Алар аркылуу Алымбек Датканын кыргыз элинин эркиндиги жана биримдиги үчүн кылган кызматы даңазаланды.

Аталган саамалык жаштардын тарыхый инсандардын мурасын терең таанып-билүүсүнө, мекенчилдик сезимин бекемдөөгө багытталды.