Математика жана компьютердик технологиялар факультети
14-октюбрь 2022-ж. Математика жана компьютердик технологиялар факультетинде "Илимий ишти жазуунун жолдору" деген аталыштагы конок лекция уюштурулду. Аны Эл аралык “Ала-Тоо” университетинин илимий иштер боюнча проректору, педагогика илимдеринин доктору Калдыбаев Салидин Кадыркулович өттү. Анда илимий ишти жазуунун проблемалары, актуалдуулугу, максаты жана милдеттери, эффективдүүлүгүн темада ачып көрсөтүү жолдорун жана эрежелерин аябай кеңири түшүндүрүп берди. Ага факультеттин профессордук –окутуучулук жамааты, магистранттар, студенттер, окуу жайдын окутуучулары катышып көп пайдалуу маалымат алышты. Семинар учурунда лекторго суроолор берилип, жоопторун алышты. Лекциянын акырында агайга бекем ден соолук, үй-бүлөлүк бакыт, илимий, педагогикалык иштеринде ийгиликтердин каалап, ыраазычылык билдиришти.
