СТУДЕНТТЕР ОРТОСУНДА МЫКТЫ САБАК СЫНАГЫ ӨТТҮ

Ош мамлекеттик педагогикалык университетинин Математика жана компьютердик технологиялар факультетинин студент-практиканттары ортосунда өткөн «Мыкты сабак» сынагы уюштурулду.

Сынак компетенттүү адис даярдоо максатын көздөй жалпы 3 турдан туруп, 19-май күнү жыйынтыктоочу этабы болуп өттү. Эстафетага факультеттин математика жана информатика адситигинен 6 студенти катышып, алар алгач сынакка катышууга резюме тапшыруу менен тандалып алынган.

1-турда ар бир студент өздөрүнүн практикалык портфолиосун тапшырышкан. 2-турда практиканттар ачык сабактарды өтүшүп, ага окутуучулардан дайындалган калыстар тобу катышып, өз баасын коюп келишкен. 3-турда болсо катышуучулардын чыгармачылыгы сахнада бааланып, педагогикалык ситуацияга багытталган тапшырмаларды аткарышты. Соңку баскычта Блиц турнир болуп, мында студенттер суроолорго жооп берүү менен өздөрүнүн билим деңгээлин көрсөтүштү.

Жыйынтыгында 3-орунду Ми-20 тайпасынын студенти Жумайым Топчуева, 2-орунду Ин-20 тайпасынын студенти Огулай Жоробаева жана 1-орунду Ин-20 тайпасынын студенти Нуркыз Азимжан кызы ээледи. Катышуучулардын баары уюштуруу тобу тарабынан диплом жана баалуу белектер менен сыйланып, иш чарага катышуу менен өздөрүнө бир канча тажрыйба арттырганын байкай алдык.