ОшМПУ жана ЯГПУ КЕЛИШИМДЕРДИ ЖҮЗӨГӨ АШЫРУУ МАКСАТЫН КӨЗДӨЙТ

1-июнь күнү Ош мамлекеттик педагогикалык университети жана Ярославь мамлекеттик педагогикалык университетинин өкүлдөрү жана ортосунда онлайн жолугушуу болуп өттү.

Аталган жолугушууга окуу жайдын математика жана компьютердик технологиялар факультетинин профессордук - окутуучулук жамааты катышып, алар эл аралык байланышты бекемдөө жана буга чейин түзүлгөн келишимдери жүзөгө ашыруу максатында ЯГПУнун жетекчилиги менен сүйлөшүүлөрдү жүргүзүштү.

Мында ЯГПУнун илимий иштери боюнча проректору Александр Ходырев окуу жайы тууралуу кеңири маалымат берип, өзүнүн бир топ сунуштарын билдирди. Ага ылайык окуу жайлар педагогикалык билим берүү багытында физика - информатика жана математика информатика адистиктери боюнча эки профилдүү бакалавр даражасында кош дипломдуулук программасын талкуулашты. Аны түзүү, ишке ашыруу жана эки тараптын функциялары жөнүндө тийиштүү маселелерди баарлашышты.

Жыйынтыгында эки окуу жайдын байланышы алдыда студенттердин мобилдүүлүк программасынын, окутуучулардын квалификациясын жогорулатуу иштериннин жана кош дипломдуу программанын ишке ашусуна жол ачаарын белгилешти.