Окутуучуларга арналган кезектеги конок-лекция

Бүгүн Ош мамлекеттик педагогикалык университетинде “Кыргызтест мекемесинин субтесттери менен иштөөнүн жолдору” аталышында конок-лекция өткөрүлдү.

Лекциянын коногу Ош технологиялык университетинин мамлекеттик тил кафедрасынын башчысы, филология илимдеринин кандидаты Жыпаргүл Айтибаева болуп, ага окутуучулар катышты.

Иш чаранын жүрүшүндө “Кыргызтест” боюнча кеңири маалыматтар берилип, анда камтылган 5 субтесттер менен кантип иштөө керектиги айтылды. Ошондой эле субтесттердин ар бирине карата тесттер, тексттер, мисалдар келтирилип, практика жүзүндө көрсөтүлүп, саамалык кызыктуу суроо-жооптор менен коштолду.

Белгилей кетсек аталган конок-лекция окуу жайдын 100 жылдыгына карата математика жана компьютердик технологиялар факультети тарабынан уюштурулду.