УЛУУ ИНСАНДАР, УЛУТУБУЗДУН СЫЙМЫГЫ
УЛУУ ИНСАНДАР, УЛУТУБУЗДУН СЫЙМЫГЫ
Бүгүн Ош мамлекеттик педагогикалык университетинде “Улуу инсандар, улутубуздун сыймыгы” аталышында маданий иш чара болуп өттү.
Аталган иш чарага музыкалык-педагогикалык факультетинин деканы Кундуз Миңбаева баштаган окутуучулар жамааты жана студенттер катышты. Мында көрүүчүлөргө катышуучулар тарабынан Бакен Кыдыкеева жана Насирдин Исанов сындуу улуу инсандарды даңктаган көркөм окуу, монолог жана обондуу ырлар тартууланды. Ошондой эле алардын өмүрү жана чыгармачылыгын чагылдырган видео тасмалар көрсөтүлүп, сахналык көрүнүштөр аткарылды.
Белгилей кетсек, аталган иш чара мамлекеттик тилдин 34 жылдыгына арналган айлыктын алкагында музыкалык-педагогикалык факультетинин окутуучулары жана студенттери тарабынан уюштурулду.
