АТА-ЭНЕЛЕР МЕНЕН ТЫГЫЗ ИШ АЛЫП БАРУУ УЛАНУУДА

Бүгүн Ош мамлекеттик педагогикалык университетинин музыкалык-педагогикалык факультетинде студенттердин ата-энелери менен жолугушуу уюштурулду.

Ага аталган факультеттин деканы Кундуз Миңбаева баштаган окутуучулар, студенттер жана ата-энелер катышты. Жыйында студенттердин быйылкы жетишкендиктери, окууда жана спорттук, маданий иш чаралардагы активдүүлүгү жана окуу жайдагы соңку жаңылыктар боюнча түшүнүк берилди.

Ошондой эле факультет тууралуу жалпы маалымат берилип, университетте студентттердин татыктуу билим алуусуна түзүлгөн шарттар жана мүмкүнчүлүктөр, окуу жайдагы соңку жаңылыктар боюнча кеңири маалыматтар айтылды.

Бул менен бирге таланттуу студенттер тарабынан жаштардын маданий чыгармачылыгын көрсөткөн концерттик программа тартууланып, соңунда уюштуруу тобу тарабынан мыкты окуган, коомдук иштерге жигердүү катышкан, үлгүлүү студенттердин ата-энелерине ыраазычылык каттар тапшырылды.