14 май 2024
196
ОКУУ ЖАЙДЫН ТАЛАНТТАРЫ ОТЧЁТТУК КОНЦЕРТ КОЙДУ
ОКУУ ЖАЙДЫН ТАЛАНТТАРЫ ОТЧЁТТУК КОНЦЕРТ КОЙДУ
Ош мамлекеттик педагогикалык университетинде музыкалык-педагогикалык факультети тарабынан жумалык уюштурулуп, анын алкагында бүгүн отчёттук концерт коюлду.
Иш чара университеттин чоң жыйындар залында өтүп, мында аталган факультеттин таланттары жогорку деңгээлдеги отчёттук концертин тартуулашты. Саамалык музыкалык билим берүү жана аны окутуунун усулу кафедрасы тарабынан уюштурулуп, ага окуу жайдын окутуучулары жана студенттери күбө болушту.
Концерт эки бөлүктөн туруп, алгачкы бөлүгүндө студенттерден түзүлгөн “Барс” эстрадалык тобу гитара, бас – гитара, барабан, пионино сыяктуу аспаптардын коштоосунда кыргыз, орус, англис тилдериндеги заманбап чыгармаларды жандуу аткарышып, көрүүчүлөргө жагымдуу маанай тартуулашты.
Аны улай Аптаба Нышанова баштаган окутуучулардан турган “Кербен” фольклордук ансамбли жылдык отчёттук концертин койду. Мында кыргыздын улуттук аспаптары жана башка элдердин түрдүү аспаптары чертилип, ансамблдин коштоосунда элдик чыгармалар аткарылды.