БОЛУШ МАДАЗИМОВ АТЫНДАГЫ ЭЛ АСПАПТАР ОРКЕСТРИ ОшМПУда

Рыспай Абдыкадыров атындагы Ош облустук филармониясынын Болуш Мадазимов атындагы эл аспаптар оркестри ОшМПУнун жамаатына концерттик программа тартуулашты.

Иш чара окуу жайдын музыкалык-педагогикалык факультетинин музыкалык билим берүү жана аны окутуунун усулу кафедрасы тарабынан академиялык мобилдүүлүк программасынын алкагында уюштурулуп, ага окутуучулар жана студенттер күбө болушту.

Мында Рыспай Абдыкадыров атындагы Ош облустук филармониясынын Болуш Мадазимов атындагы эл аспаптар оркестри тарабынан жогорку деңгээлдеги концерттик программа коюлуп, кыргыз күүлөрү чертилди. Ошондой эле фольклордук жанрдагы чыгармаларды жана элдик ырларды ансамблдин коштоосунда жандуу аткарышты.

Бул менен бирге эки тараптуу мамилени чыңдоо жана кызматташтыкты арттыруу максатында аталган филармониянын артистери менен музыкалык – педагогикалык факультетитнин студенттери жана окутуучулары биргеликте ырдап, көрүүчүлөргө жагымдуу маанай жаратышты.