ПРОФЕССОР АКМАТАЛИ АЛИМБЕКОВ ОшМПУда ЛЕКЦИЯ ОКУДУ

Бүгүн Ош мамлекеттик педагогикалык университетинде “Заманбап мугалимдин идеалы” аталышында конок-лекция болуп өттү.

Аталган лекциянын коногу Кыргыз-Түрк “Манас” университетинин педагогика бөлүмүнүн башчысы, педагогика илимдеринин доктору, профессор Акматали Алимбеков болуп, ага окуу жайдын музыкалык-педагогикалык факультетинин окутуучулар жамааты жана студенттер катышты.

Мында көрүнүктүү педагог Акматали Алимбеков катышуучуларга мугалимдик кесиптин айрым өзгөчөлүктөрүнө токтолуп, педагогикалык ишмердүүлүк, андагы мугалимдин орду, чыгармачылык менен иштөө тууралуу кеп козгоп, салыштыруулар менен айтып берди.

Бул менен бирге лектор лидер мугалимдердин белгилери, сапаттуу сабак берүү компетенттүүлүгү жана заманбап мугалимдин негизги айырмачылыгы кандай болоору тууралуу кеңири маалымат берип, кызыктуу талкуу жүргүздү. Аны улай лекция суроо-жооп менен коштолду.