ОКУУ ЖАЙДА 1-КУРСТАРДЫ КАБЫЛ АЛУУ АЗЕМИ ӨТТҮ

Бүгүн Ош мамлекеттик педагогикалык университетинин музыкалык – педагогикалык факультетинде 1-курстарды кабыл алуу аземи өткөрүлдү.

Иш чарага аталган факультеттин окутуучулук жамааты жана студенттер катышып, таланттуу жаштардын концерттик программасына жана сыйлоо аземине күбө болушту. Иш чара 17-ноябрь студенттер күнүнө карата өткөрүлүп, мында студенттик күндөрдү чагылдырган ырлар, бийлер, поэзия жана интермедиялар аткарылып, көрүүчүлөргө жагымдуу маанай тартууланды.

Аны улай окууда, шаардык, эл аралык сынактарда, коомдук-маданий иштерде ийгилик жараткан жигердүү студенттерге факультет тарабынан диплом жана Ардак грамоталар тапшырылды.

Жыйынтыгында бүтүрүүчү курстун студенттери 1-курстун студенттерине зачеттук китепчени жана студенттик ачкычты официалдуу түрдө тапшырып, алардын окууларына, студенттик сапарына ийгиликтерди каалап өтүштү.