ОшМПУда КОЛ ӨНӨРЧҮЛҮК БОЮНЧА КӨРГӨЗМӨ ӨТТҮ

Ош мамлекеттик педагогикалык университетинин музыкалык-педагогикалык факультетинде “Кол өнөрчүлүк – элдик мурас” аталышында көргөзмө уюштурулду.

Ага университеттин окутуучулар жамааты жана студенттери күбө болушту. Мында факультеттин студентеринин чеберчилик менен колго жасалган түрдүү көргөзмөлөрү,чыгармачылык менен колго жасалган буюмдары, жаратылыш, жаныбарлар, канатуулар тартылган сүрөттөр, көйнөк көргөзмөсү, пейзаж, живопись, мозаика, пластилин, конструкция жана натюрморт жанрындагы сүрөттөр стол үстүнө жайылды.

Иш чаранын жүрүшүндө куттуктоо сөздөрү сүйлөнүп, аны улай таланттуу студенттердин аткаруусунда жагымдуу чыгармалар, бийлер аткарылып, концерттик программа тартууланды. Соңунда активдүү катышкан студенттерге жана тайпаларга уюштуруу тобу тарабынан диплом жана түрдүү номинациялар тапшырылды.

Белгилей кетсек аталган иш чара окуу жайдын 100 жылдыгына карата башталгыч, меткепке чейинки билим берүүнүн теориясы жана усулу кафедрасы тарабынан кол эмгек жана көркөм өнөр окутуунун усулу предметинин негизинде өткөрүлдү.