ОшМПУ ТАЛАНТТАРЫ ОТЧЁТТУК КОНЦЕРТ КОЙДУ

Бүгүн Ош мамлекеттик педагогикалык университетинде музыкалык-педагогикалык факультети тарабынан отчёттук концерт коюлду.

Иш-чарага университеттин ректору Бекмурза Зулуев баштаган профессордук-окутуучулар жамааты жана студенттер күбө болушту. Мында окуу жайдын музыкалык-педагогикалык факультетинин окутуучуларынан түзүлгөн “Кербен” фольклордук тобунун таланттары университеттин 100 жылдыгына карата жогорку деңгээлдеги жылдык отчёттук концертин тартуулашты.

Салтанаттын жүрүшүндө Аптаба Нышанова баштаган талант ээлери кыргыздын улуттук аспаптары жана башка элдердин түрдүү аспаптарын чертип, ансамблдин коштоосунда элдик ырлар, дастандар жана түрдүү чыгармалар аткарылып, кыргыз күүлөрү жаңырып, манас айтып, иш-чара көрүүчүлөрдүн кызуу колдоосу менен коштолду.

Белгилей кетсек алдыда аталган факультет тарабынан атайын декада уюштурулуп, хор жамаатынын, вокалисттердин жана инстументалисттердин отчёттук концерти өткөрүлмөкчү.