ОшМПУнун сырттан окуу бөлүмүнүн студенттери отчёттук концерт тартуулашты

Ош мамлекеттик педагогикалык университетинде музыкалык-педагогикалык факультетинин сырттан окуу бөлүмүнүн студенттери жылдык отчёттук концертин койду.

Иш-чара университеттин 100 жылдык мааракесине арналып, музыкалык билим берүү жана аны окутуунун усулу кафедрасы тарабынан уюштурулду. Ага профессордук-окутуучулар жамааты жана студенттер катышып, студенттердин чыгармачылык дараметине жакындан күбө болушту.

Концерттик программага көркөм билим берүү (музыка) адистигинин Мзд-1-23, Мзд-2-23, Мзд-1-22 жана Мзд-4-21 тайпаларынын студенттери активдүү катышып, мында алар кыргыз элинин улуттук ырларын, күүлөрүн, дүйнөлүк классикалык чыгармаларды жана автордук обондорду аткарышты. Ар бир номер өзгөчө чыгармачылык менен даярдалып, көрүүчүлөрдүн купулуна толду.

Аталган саамалык студенттердин жыл ичинде алган билимдерин практикалык түрдө көрсөтүү менен катар чыгармачылык потенциалын ачуусуна өбөлгө түзөт.