КОЛЛЕДЖДЕ ЭНЕ ТИЛ КҮНҮНӨ АРНАЛГАН ЖУМАЛЫК ӨТҮП ЖАТАТ

Ош мамлекеттик педагогикалык университетинин колледжинде Бүткүл дүйнөлүк эне тил күнүнө карата жумалык жарыяланды.

Ага ылайык колледждин дүйнөлүк тилдер кафедрасы тарабынан түрдүү саамалыктар уюштурулуп, алгач “Биз ар түрдүүбүз, бирок бирдейбиз” аталышында фестивалы өткөрүлдү.

Иш чаранын жүрүшүндө катышуучу тайпалар ар улуттун даамдарын дасторкон үстүнө жайышып, көргөзмө уюштурушту. Бул менен бирге жандуу чыгармаларды, бийлерди аткарышып, жалпы 9 тайпанын студенттери өз таланттарын тартуулашты.

Эскерте кетсек аталган жумалык 4-мартка чейин уланып, алдыда ачык сабактар, көргөзмөлөр, сынактар жана баарлашуу иш чаралары уюштурулат.