28 апрель 2023
524
КОЛЛЕДЖДЕ СТУДЕНТТЕРДИН САРМЕРДЕН ОЮНУ ӨТТҮ
КОЛЛЕДЖДЕ СТУДЕНТТЕРДИН САРМЕРДЕН ОЮНУ ӨТТҮ
Бүгүн Ош мамлекеттик педагогигалык университетинин Колледж бөлүмүндө “Адеп башаты-элдик мурастар” аталышында сармерден болуп өттү.
Иш чара мектепке чейинки педагогика жана жекече усулдар кафедрасы тарабынан уюштурулуп, мында Бк-22-1 тайпасынын кыздары жана Дт-22 тайпасынын балдары таймаш курушуп, өз таланттарын тартуулашты.
Сармердендин салтына ылайык саламдашуу, элдик обондуу ырлар, бийлер, акыйнек айтышуулар, жаңылмач жана макал айтышуу менен эки тарап өздөрүнүн дараметин, деңгээлин далилдешти. Студенттердин чыгармачылыгы көрүүчүлөрдүн сынына түшүп, калыстар тобу тарабынан бааланды. Эки тайпанын өзгөчө даярдыгы жана мыкты таланттардын аткаруусу сармерденди өз максатына жеткире алды.
Жыйынтыгында калыстар тобунун чечими менен атааңдаш тараптар тең чыгып, достук жеңиши менен аяктады. Бул менен бирге уюштуруу тобу тарабынан диплом жана сыйлыктар тапшырылды.