КОЛЛЕДЖДИН БҮТҮРҮҮЧҮЛӨРҮНӨ АК ЖОЛ КААЛАЙБЫЗ!

Бүгүн Ош мамлекеттик педагогикалык университетинин колледжинин студеттеринин “БҮТҮРҮҮ КЕЧЕСИ” уюштурулду.

Кечеге университеттин окуу иштери боюнча проректору Каныбек Раимбеков жана колледждин жетекчиси, окутуучулары жана студенттер ата-энелери менен катышты.

Иш чарада жетекчилер тарабынан болочок кесип ээлерине куттуктоо сөздөрү сүйлөнүп, окуу жайдын намысын бийик көтөргөн мыкты кадр жана агартуу тармагынын атактуу адистери болуусуна тилектеш экенин билдиришти.

Аны улай окууда жана коомдук, маданий, спорттук иш чараларда ийгилик жаратып, окуу жайга сыймык алып келген студенттерге Ардак грамота, ал эми ата-энелерине ыраазычылык баракчалар тапшырылды. Ошондой эле бүтүрүүчүлөр чакан концерттик программасын тартуулашып, окутуучуларга өз ыраазычылыктарын билдиришти.

Белгилей кетсек, 2022-2023-окуу жылында окуу жайды орто кесиптик билим берүү боюнча 722 студент бүтүрүп жатат.