КОЛЛЕДЖДЕ МАМЛЕКЕТТИК ТИЛ КҮНҮ БЕЛГИЛЕНДИ

Ош мамлекеттик педагогикалык университетинин колледжинде “Элдин улуу тарыхынан башталып, эне тилим куттуу сөздөн куралган” аталышында 10 күндүк декада жүрүп жатат.

Анын алкагында бүгүн адабий-музыкалык кече уюштурулуп, саамалык 80 студенттин манас айтуусу менен башталды. Андан соң студенттер тарабынан кыргыз тилдин тарыхы чагылдырылган сахналык көрүнүштөр аткарылып, ыр-бийлер менен коштолду. Бул менен студенттердин эне тилге болгон аяр мамилеси, сүйүүсү айкын көрүнүп, тилге болгон сый-урматы артууда.

Белгилей кетсек, декада 23-сентябрь мамлекеттик тилдин кабыл алынган күнүнүн 34 жылдыгына карата колледжин мамлекеттик тил кафедрасы тарабынан уюштурулуп, алдыда ачык тарбиялык сааттар, улуттук оюндар сыяктуу иш чаралар пландалган.