ОКУТУУЧУЛАР КАРЫЛАР ҮЙҮНӨН КАБАР АЛДЫ

Бүгүн Ош мамлекеттик педагогикалык университетинде 1-октябрь Эл аралык карылар күнүнө карата "Карысы бардын-ырысы бар" аталышында кайрымдуулук акциясы уюштурулду.

Мында университеттин окутуучулары Ош шаарында жайгашкан карылар жашаган "Боорукердик" үй-интернатына майрамдык белектер, килемдер, жылуу кийимдер жана таттууларды алып, материалдык жардамдарды көрсөтүштү. Мындан сырткары майрамдык концерт тартууланып, студенттер ал жердеги карыялар менен жеке маек курушуп, ал-абалдары менен жакындан таанышып чыгышты.

Белгилей кетсек кайрымдуулук акцияга окуу жайдын Колледж бөлүмүнүн дүйнөлүк тилдер кафедрасынын жана чет тили адистигинин жалпы окутуучулар жамааты жана студенттери катышып, ыктыярдуу түрдө каражат чогултуп беришкен.