БИЛИМДҮҮ СТУДЕНТТЕР АКЫЛ ТАЙМАШТА

Ош мамлекеттик педагогикалык университетинде колледждин студенттери ортосунда акыл ордо интеллектуалдык оюну өткөрүлдү.

Иш чара 14-февраль Эл аралык китеп белекке берүү күнү жана 21-февраль Бүткүл дүйнөлүк эне тил күнүнүн алкагында колледждин жаштар комитети тарабынан уюштурулган.

Жаштардын интеллектуалдык деңгээлин көтөрүү, билим көрөңгөсүн толтуруу максатында өткөрүлүп жаткан оюнда 8 студент ат салышып, өз дараметтерин сынашты. Таймаш 3 турдан туруп, мында катышуучулар логикалык жана аралаш суроолордон түзүлгөн суроолорго жооп берип, түрдүү категориялардагы тапшырмаларды аткарышты.

Жыйынтыгында 3-орунду Ан-23-2 тайпасынын студенти Байэл Айтибаев, 2-орунду Бк-23-2 тайпасынын студенти Айбике Маметкасымова, ал эми 1-орунду Ан-23-5 тайпасынын студенти Айседора Райимжанова багындырды. Жеңүүчүлөргө уюштуруу тобу тарабынан диплом жана китептер тапшырылды.