КОЛЛЕДЖДЕ АЧЫК ТАРБИЯЛЫК СААТТАР ӨТҮЛҮҮДӨ

Ош мамлекеттик педагогикалык университинин колледжинде жумалык жарыяланып, анын алкагында ачык тарбиялык сааттар өткөрүлдү.

Катарда Мч-22-1 тайпасы тарабынан 27-Март Эл аралык театр күнүнө карата “Адамзаттын асыл жандоочусу искусство “ аталышында ачык тарбиялык саат болуп өттү. Программада студенттер чыныгы театрдын жашоосун чагылдырган музыкалык жомокторду, куурчак театрынан үзүндүлөрдү көрсөтүп, каармандардын кейпин кийип өзбек эл жомокторун да аткарышты.

Ошондой эле Мч-21-3 тайпасы “Улуттун уңгусу анын каада-салтында” аталышында ачык тарбиялык саат өтүп, концерттик программа тартуулады. Мында катышуучулар макал-лакап, акыйнек, улутук каада-салттардан үзүндүлөрдү, ыр-бийлерди аткарышты. Бул менен бирге студенттер унутта калып бара жаткан каада-салттардын уңгусун көрсөтүп, көрүүчүлөргө жагымдуу маанай жаратышты.

Белгилей кетсек, аталган ачык тарбиялык сааттар мектепке чейинки педагогика жана жекече усулдар кафедрасы тарабынан уюштурулган.