СТУДЕНТТЕР ОРТОСУНДА САРМЕРДЕН ОЮНУ ӨТКӨРҮЛДҮ

Ош мамлекеттик педагогикалык университетинин колледжинде “Адептик тарбиянын улуттук нарк-насилдери” аталышында сармерден болуп өттү.

Иш чара мектепке чейинки педагогика жана жекече усулдар кафедрасы тарабынан уюштурулуп, мында Бк-23-1 тайпасынын жана Дт-23 тайпасынын студенттери кызуу таймаш курушуп, өз таланттарын тартуулашты.

Сармердендин салтына ылайык алгач саламдашуу айтылып, андан соң эки тарап элдик обондуу ырларды, бийлерди аткарып, жаңылмач, макал –лакап жана акыйнек айтышуу менен өз дараметтерин сынашты.

"Жобого ылайык студенттер тарабынан ар тараптуу, түрдүү номерлер аткарылып, көрүүчүлөрдүн сүрөөнү менен катышуучулар жогорку маанайда өздөрүнүн чыгармачылыктарын тартуулай алышты"-дейт аталган кафедранын башчысы Меринса Нишанбаева.

Жыйынтыгында калыстар тобу тарабынан жылуу пикирлер айтылып, сармерденге активдүү катышкан студенттер уюштуруу тобу тарабынан Ардак грамота жана ыраазычылык каттар менен сыйланды.