КОЛЛЕДЖДИН СТУДЕНТТЕРИ УЛУУ ЖЕҢИШ МАЙРАМЫН ДАҢАЗАЛАШТЫ

Ош мамлекеттик педагогикалык университетинин колледжинде "Эч ким, эч нерсе, эч качан унутулбайт" аттуу тарбиялык иш чара өткөрүлдү.

Ага колледждин окутуучулары жана студенттери күбө болушту. Мында чыгармачыл студенттер тарабынан жеңиш күнүн даңазалаган, ата-бабалардын эрдигин даңктаган концерттик программа тартууланды.

Иш чарага англис тили адистигинин 1-2-курстары активдүү катышып, “Жеңмейин жоону келбегин!” деген ураан менен ыр, бий жана сахналык көрүнүштөрдү аткарып, өз активдүүлүгүн көрсөтүштү.

Белгилей кетсек, саамалык студенттерди мекенди сүйүүгө, эли жерин коргоого тарбиялоо максатында Улуу Жеңиш майрамынын 79 жылдыгына карата колледждин дүйнөлүк тилдер кафедрасы тарабынан уюштурулду.