ОшМПУ да ТООЛОР КҮНҮНӨ КАРАТА ТЕГЕРЕК СТОЛ ӨТТҮ

Ош мамлекеттик педагогикалык университетинин колледжинде 11-декабрь -Эл аралык тоолор күнүнө карата тегерек стол өткөрүлдү.

Иш чара колледждин дене тарбия жана табигый илимдер кафедрасы тарабынан уюштурулуп, мында студенттер тоо экосистемасын коргоо максатында актуалдуу темадагы баяндамаларын жасап, талкуу жүргүзүштү. Натыйжада активдүү катышкан студенттерге сыйлыктар тапшырылды.

Саамалык жаштарды тоо экосистемаларын коргоого көңүл бурууга багыттоо, тоо аймактарында жашаган адамдардын социалдык-экономикалык көйгөйлөрүн чечүүгө көмөктөшүү сыяктуу глобалдык маселелерге көңүл буруу максатын көздөйт.

Эскерте кетсек Эл аралык тоолор күнү (International Mountain Day) жыл сайын 11-декабрда белгиленет. Бул күн БУУнун Генералдык Ассамблеясы тарабынан 2002-жылы жарыяланган жана 2003-жылдан тарта өткөрүлүп келет.