КОЛЛЕДЖДЕ “ЧЕБЕР МУГАЛИМ” СЫНАГЫ ӨТТҮ

Ош мамлекеттик педагогикалык университетинин колледжинде башталгыч класстардын педагогикасы жана усулу кафедрасы тарабынан “Чебер мугалим” сынагы өткөрүлдү.

Ага колледждин окутуучулар жамааты жана студенттер күбө болушту.Сынак башталгыч класстарды окутуу адистигинин 3-курстарынын ортосунда өттү. Тактап айтканда мында бк22-3, бк22-4, бк22-5 тайпаларынын студенттери кызуу мелдеш курушту.

Жобого ылайык болочок педагогдор окуучулардын креативдүүлүк жөндөмдүүлүктөрүн өстүрүүүгө багытталган таланттарын көрсөтүү менен бирге алгач өздөрү жасаган көргөзмөлөрү менен тааныштырышты. Мындан сырткары ар бир катышуучу өз чыгармачылыгын көрсөтүү менен бирге , ыр, бий, саламдашуу жана өзүн-өзү тааныштыруу, сахналык көрүнүш аткаруу сыяктуу жеке таланттарын тартуулашты.

Саамалык өз алдынча билим алуунун алкагында стунденттердин социалдык инсандык сапаттарын өнүктүрүү, кесибине карата өзүн реализациялоого жана өркүндөтүүгө умутулуусун жогорулатуу, маданий агартуучулук мүнөздөгү билим берүү маселелерин чечүүгө жөндөмдүү педагогду даярдоо, өсүп келе жаткан жаш муундарга тарбия берүүдө, жаштардын өнөрлөрүн өстүрүүдө мыкты ийгиликтерди жараткан таланттуу студенттерди тандап алуу жана тайпалар аралык тыгыз байланышты бекемдөө максатын көздөйт.

Белгилей кетсек иш чара Кара-Кыргыз автономиялуу облусунун түзүлгөндүгүнүн 100 жылдыгына, 4-декабрь - Манас күнүнө жана 12-декабрь – Улуттук адабият күнүнө карата уюштурулган.