КОЛЛЕДЖДЕ ЭЛ АРАЛЫК ЭНЕ ТИЛ КҮНҮ БЕЛГИЛЕНДИ

Бүгүн Ош мамлекеттик педагогикалык университетинин колледжинде 21-февраль-Эл аралык эне тил күнүнө карата маданий иш чара өткөрүлдү.

Саамалык “Ар бир элдин тили-бүткүл адамзаттын мүлкү” аталышында болуп, ага окутуучулар жамааты жана студенттер күбө болушту. Мында колледждин чет тили адистигинин 1-курстары кыргыз, орус, өзбек, түрк, казак, татар сындуу ар улуттун маданиятын, тарыхын, элдик ырларын, бийлерин көрсөтүү менен каада-салттарынан үзүндү аткарышты.

Иш чара окуу жайдын 100 жылдыгына карата улуттар аралык ынтымакты бекемдөө жана жаштардын тил үйрөнүүгө болгон кызыгуусун арттыруу жана чыгармачылыгын өркүндөтүү максатында колледждин дүйнөлүк тилдер кафедрасы тарабынан уюштурулду.