НООРУЗ ШАҢЫ ОшМПУда » Ош мамлекеттик педагогикалык университет
Кыргызча Русский English
Авторизация
Ош мамлекеттик педагогикалык университетинин официалдуу сайты
» » » НООРУЗ ШАҢЫ ОшМПУда
16 март 2025
31

НООРУЗ ШАҢЫ ОшМПУда

НООРУЗ ШАҢЫ ОшМПУда
Бүгүн Ош мамлекеттик педагогикалык университетинин колледжинде 21-март Нооруз майрамын утурлай “Улуттук оюндар-улуттун жүзү ”аталышында иш-чара өткөрүлдү.
Майрамдык салтанат ачык асман алдында окуу жайдын спорттук аянтчасында уюштурулуп, иш-чараны университеттин ректору Бекмурза Зулуев ачып берди. Мында колледждин дене тарбия жана табигый илимдер кафедрасынын таланттары тарабынан концерттик программа коюлуп, ага профессордук-окутуучулар жамааты жана студенттер күбө болушту.
Саамалык аркан тартыш, бука тартыш, кол күрөш, ордо, тогуз коргоол сыяктуу кыргыздын улуттук оюндары менен коштолуп, көрүүчүлөргө шаңдуу маанай тартууланды. Бул менен бирге чүрпөнүн жолу ардайым шыдыр болсун деген тилек менен жасалган тушоо кесүү каадасы көрсөтүлүп, алас айтылып, 100гө жакын студент “Кара-Жорго” бийин бийлешти.
Иш-чаранын жүрүшүндө аталган кафедранын окутуучулары жана студенттери тарабынан улуттук бийлер жана патриоттуулукка үндөгөн шаңдуу обондор жаңырды. Ошондой эле кыргыздын улуттук буюмдарынын жарманкеси көрсөтүлүп, Нооруз майрамынын жаралуу тарыхы жана анын бүгүнкү күндө кандай майрамдалаары тууралуу да маалыматтар айтылды.
Белгилей кетсек майрамдык салтанат кыргыз элинин улуттук оюндарын даңазалоо жана жаш муундарга үйрөтүү, студенттерге Нооруз майрамынын маңызын жеткирүү, кызыктуу оюн-зооктор аркылуу жаштарды биримдикке жана ынтымакка чакыруу максатында колледжин дене тарбия жана табигый илимдер кафедрасы тарабынан уюштурулду.   
шаблоны для dle 11.2

Пикир кошуу

ОшМПУнун дареги
Кыргыз Республикасы

723500, Ош обласу, Ош шаары

Исанова к.

Телефондор.: (03222)43567, 43550

Эл.почтасы: edu@oshmpu.kg, osh.ogpi@gmail.com
Интерактивная карта

Copyright © 2018 Сайттагы материалдарды түрдүү максаттарда пайдалануу, анын ичинде электрондук ММКларга жарыялоо сайттын администрациясынын кат түрүгндөгү уруксаты менен гана ишке ашырылат.

Разработка сайта - uDesign.pro