ОшМПУ “ЖАШЫЛ МУРАС” УЛУТТУК ӨНӨКТҮГҮН УЛАЙ КӨЧӨТ ОТУРГУЗУУ СААМАЛЫГЫНДА

Ош мамлекеттик педагогикалык университетинин табият таануу жана география факультетинин окутуучулары жана студенттери “Курбу-Таш” токой чарбасына көчөт отургузуп келишти.

Аталган саамалык Президент Садыр Жапаровдун Кыргызстандагы Тоолордун экосистемасын коргоо жана климаттык туруктуулук жылынын алкагында жарыяланган “Жашыл мурас” улуттук өнөктүгүнүн алкагында уюштурулду.

Токойго 400 түп жазы жалбырактуу өрүк, эмен, ийне жалбырактуу арча жана туя дарактары, 200 түп итмурун көчөттөрү отургузулду.

Жаратылышты коргоо, табият менен таттуу мамиледе болуу ар бир жарандын милдети. Ошондуктан көчөт тигип, өлкөбүздү жашыл, таза аймакка айландыруу аракетин ар бирибиз көрүүбүз зарыл!