ОКУУ ЖАЙДА "ТАЛАНТТАРДЫ ИЗДЕЙБИЗ - 2024” КАРОО-СЫНАГЫ СТАРТ АЛДЫ

Ош мамлекеттик педагогикалык университетинде 1-курстун студенттери арасында "ТАЛАНТТАРДЫ ИЗДЕЙБИЗ – 2024” кароо-сынагы старт алды.

Өнөрлүү жаштардын башын бириктирген бул сынак университеттин жаштар комитети тарабынан уюштурулуп, жаңыдан келген студенттердин алгачкы чоң сахнага чыгуусуна жана таланттарын таанытууга шарт түзүлүүдө.

Ага ылайык бүгүн окуу жайдын музыкалык – педагогикалык, табият таануу жана география факультетинин студенттери жободо көрсөтүлгөн талапка ылайык фольклордук, көркөм окуу, эстрадалык, хореографиялык, алып баруучулук жанрлар жана өзгөчө өнөр боюнча сахнада өздөрүнүн чыгармачылык чеберчиликтерин жана таланттарын көрсөтүштү.

Сынак үч этаптан туруп, биринчи айлампасы тайпалар ортосунда буга чейин болуп, тандалып алынган талант ээлери факультеттин атынан экинчи айлампага катышууда. Мында калыстар тобунун тандоосу менен мыкты деп тандалган өнөр ээлери гала концертке кароо-сынактын жеңүүчүлөрү катары жолдомо алышмакчы.

Эскерте кетсек бул иш чара окуу жайда жалпы 1-курстун студенттеринин ичинен таланттуу студенттерди тандоо, аларды коомдук-маданий иштерге тартуу, таланттарды эл алдына алып чыгуу, колдоо көрсөтүү максатында жыл сайын салт катары уюштурулуп келет.