ОшМПУ: Табият таануу жана география факультетинде нооруз салтанаты өттү

Бүгүн Ош мамлекеттик педагогикалык университетинин табият таануу жана география факультетинде нооруз майрамы белгиленди.

Майрамдык салтанат “Кош кел, Нооруз!” аталышында өтүп, ага аталган факультеттин жалпы жамааты, студенттери катышты. Иш-чара умай эненин алас айтуусу менен башталып, андан соң декандын окуу иштери боюнча орун басары Жоодар Илиязов профессордук-окутуучулар жамаатын жана студенттерди келе жаткан Нооруз майрамы менен куттуктады.

Саамалык таланттуу студенттер тарабынан даярдалган концерттик программа менен коштолду. Иш-чаранын жүрүшүндө улуттук кийимдер көргөзмөсү уюштурулуп, мында катышуучулар улуттук оюндар жана кыргыздын үрп-адат, каада-салттарынан көрүнүштөрдү аткарып, өз өнөрлөрүн тартуулашты.