СПИД оорусу- кылым коркунучу

ОшМПУнун колледжинин “Башталгыч класстын педагогикасы жана усулу” кафедрасында 1- декабрь- Бүткүл дүйнөлүк СПИД оорусуна каршы күрөшүү күнүнө карата бекитилген пландын негизинде иш чаралар өткөрүлдү. Тайпалар  арасында стен газета конкурсу болуп өттү.   Бк21-б-2 тайпасынын студенттери менен биргеликте куратору Туратбек кызы Жанаргул “СПИД оорусу- кылым коркунучу” деген темада ачык тарбиялык саат өттү. Ачык тарбиялык сабактын негизги максаты: студенттерге АИВ/ВИЧ туралуу кеңири маалымат берүү, анын түрлөрү, жуктуруу  жана сактануу жолдорун айтып,ага кабылган инсандар менен гумандуу мамиледе болууну үйрөтүү, коомго тийгизген таасирин талкуулоо.Сабактын акырында  студенттерге кайтарым байланыш катары  викторина уюштурулду. Мында берилген маалыматка таянып, суроолорго жооптор алынып, белектер берилди.