ОшМПУда КЫЗМАТКЕРЛЕРДИН КЫШКЫ СПАРТАКИАДАСЫ БАШТАЛДЫ

Бүгүн Ош мамлекеттик педагогикалык университетинде факультеттер аралык окутуучулар ортосунда спартакиада старт алды.

Иш чараны алгач университеттин окуу иштери боюнча проректору Каныбек Раимбеков ачып берип, жамаатты ден соолукту чыңдоо үчүн талбай аракет жасап, спорт менен ар дайым алек болууга чакырып, оюндун жүрүшүнө ийгилик каалап өттү.

Мелдештин биринчи күнү окутуучу эжекелердин волейбол мелдеши менен башталды. Командалар алгач чучук-улак тандашып, андан соң оюнга киришишти.

Жобого ылайык спартакиада 11-январдан 17-январга чейин уланып, жүрүшүндө шахмат, стол тенниси жана тогуз коргоол оюндары өткөрүлөт.

Белгилей кетсек мелдеш окутуучуларды сергек жашоо образына багыттоо, кызматкерлер арасында ынтымакты бекемдөө максатында окуу жайдын жетекчилиги жана дене тарбия факультети тарабынан уюштурулууда.