Иш берүүчүлөр, компьютердик системалар жана комплекстер адистигинин бүтүрүүчүлөрү менен жолугушуу

Бүгүн, 2- декабрда ОшМПУнун колледжинин Информатика жана математика кафедрасы тарабынан уюштурулган " Билим -кенч, эмгек анын ачкычы" темасында иш берүүчүлөр,   Компьютердик системалар жана комплекстер адистигинин бүтүрүүчүлөрү  менен жолугушуу болуп өттү.

        Жолугушууга ЭлТР компаниясынын продюсери  К. Мамасадыков,  ДКБнын башкы адиси А.Ибраимова, Кыргыз - Өзбек Эл аралык университетинин кесиптик лицейинин директору  А. Мамышов, ЭлТР компаниясынын режиссеру Р.Долоталиев, ОшМПУнун практика бөлүмүнүн башчысы Г. Байышова жана адистиктин бүтүрүүчүлөрү,  кафедранын окутуучулары катышышты.          

       Жолугушуу аккредитацияга даярдануунун алкагында жаш адистердин иш менен камсыз болуусуна өбөлгө болуп, иш берүүчүлөрдүн кадрларга койгон талаптарын, сунуштарын,  бүтүрүүчүлөрдүн ой- пикирлерин, сунуштарын эске алуу максатында уюштурулду.

        Жолугушууда 230108, Компьютердик системалар жана комплекстер адистиги үчүн түзүлгөн НББПнын максаттары, күтүлүүчү натыйжалары талкууланып, жумушчу окуу планы менен тааныштырылды. Иш берүүчүлөр, бүтүрүүчүлөр өз сунуштарын ортого салышты,  практика боюнча ойлорун бөлүшүштү, суроо-жооптор болуп, жолугушуу жакшы маанайда аяктады.