Интеллект оюндары
30.11.2023 күнү кафедранын окутуучусу Тажикова Минура Бк-23-5, Бк-23-6 тайпаларынын студенттери менен математика предметинен “Интеллект-батл”өткөрдү. Таймашта 5 категория боюнча тапшырмалар тандалып алынган. Ар бир тапшырмадагы суроолор студенттердин логикасын,интеллектин өстүрүүгө өбөлгө түзөт. Тез ойлонууга, шамдагай болууга үйрөтөт.
01.12.2023 күнү кафедранын окутуучулары Бабакулов Тынчтыкбек, Кутпидинова Асел, Белек кызы Чолпон 1-курстар аралык “Акыл ордо” интеллектуалдык оюнун өткөрүштү. Интеллектуалдык оюндун жүрүшү 4 турду камтып, 1-тур жалпы командаларга тиешелүү 15 тапшырмадан турган “логикалык суроолор” берилди.
2-тур. Үй тапшырма: командалар ортосунда 2 ден суроо өз ара талкууланды.
3-тур. Категориялар
4-тур . Топ башчылары өз алдынча сыналды.
Студенттердин билим деңгээлин жогорулатуу, логикасын өстүрүү жана математикага болгон кызыгуусун ойготуу негизги максат болуп саналат.
“Бүгүн башкалар жасабаганды жасайм,
Эртең башкалар жашабагандай жашайм”
деген ураан менен
1- топ Си -23 тайпасы
2- топ Ан-6-23 тайпасы
3-топ Мч-23 тайпасы
4-топ Ки -23 тайпасы
5-топ Бк-2-23 тайпасы
6-топ Дт-23 тайпасы
7-топ Фин -23 тайпалары катышышты.
Оюндун жыйынтыгы чыгарылып, активдүү катышкан тайпаларга жана байгелүү орунду ээлеген топтор үчүн грамота, сыйлыктар тапшырылды.
6.12.2023 күнү кафедранын окутуучулары Калыева Нургул , Маматбек уулу Канжар студенттер арасында "брейн-ринг" интеллектуалдык оюунун өткөрүштү. Ага Кс 22-1 тайпасынын студенттери " Системалык блок" командасы, Кс 22-2 тайпасынын студенттери " Клавиатура" командасы, Кс 22-3 тайпасынын студенттери "Монитор" командасы катышышты. Алгач оюндун шарты түшүндүрүлүп, командалардын саламдашуусу болду. Андан кийин командалар категорияларды тандашып, тиешелүү суроолорго жооп беришип, балл топтошту. Команда мүчөлөрү оюнга активдүү катышышты. Конкурс жыйынтыкталып, 1-орунга "Системалык блок" командасы, 2- орунга "Монитор" командасы, 3- орунга "Клавиатура" командасы ээ болушту. Жеңүүчү командаларга дипломдор тапшырылды.
9.12.2023 күнү кафедранын окутуучусу Тажибаева Дилбар “Китеп илим-тилсиз мугалим” аталышындагы китеп окуу конкурсу 1-курстар арасында өттү. Бул конкурс үчүн “Жомоксуз өткөн балалык” чыгармасы сунушталып, китепти окуп чыгуу үчүн белгилүү убакыт берилген. Чыгарманын негизинде тест түзүлүп, конкурс жыйынтыкталды. Алдынкы орунду ээлеген студенттерге уюштуруучу тарабынан диплом жана акчалай сыйлыктар берилди.
