Куттуктайбыз! ОшМПУ ЖАҢЫ ИЛИМДИН КАНДИДАТЫ МЕНЕН ТОЛУКТАЛДЫ

Ош мамлекеттик педагогикалык университетинин информатика жана жаңы маалыматтар технологиясы кафедрасынын окутуучусу Орозбаева Айнура Абдазовна кандидаттык диссертациясын ийгиликтүү коргоду.

Окумуштуу өзүнүн илим изилдөө ишин 13.00.02 – окутуунун жана тарбиялоонун методикасы (информатиканы жана билим берүүнү маалыматташтыруу) багытында “Информатиканы окутууда педагогикалык колледждин студенттеринин санариптик сабаттуулуктарын калыптандыруунун технологиясы” деген темада жүргүзүп, педагогика илимдеринин кандидаты окумуштуулук даражасын изденип алуу үчүн диссертация жазган.

Айнура Орозбаеваны илим жаатында жараткан ийгилиги менен университеттин жалпы эмгек жамааты кызуу куттуктайт. Мындан ары да билим берүү тармагында ак кызмат өтөп, жаштарга талыкпай билим берүү менен окуу жайдын өнүгүүсүнө өз салымын кошо беришине тилектешбиз.