КЫРГЫЗ ТИЛИ ЖАНА АДАБИЯТЫ КАФЕДРАСЫ
Кыргыз тили жана адабияты кафедрасынын тарыхы
Кафедранын тарыхы окуу жайыбыздын 85 жылдан ашуун тарыхый жолу менен тыгыз байланышта. Ар түрдүү себептерден улам жабылган окуу жайы 1976-жылы кайрадан уюштурулуп, бүгүнкү күнгө чейин билим берүү тармагына эң керектүү адистерди даярдап келүүдө.
Түштүк аймагына керектүү кеисп ээлерин даярдоо зарылдыгынан улам окуу жай 1996-жылы Кыргыз Өкмөтүнүн №470 Указы менен Ош Жогорку колледжи борлуп түзүлүп, натыйжада, кыргыз тили жана адабияты негизги предмет болгондуктан, 1999-жылы 18-августтагы ОЖКнин Окумуштуулар кеңешинин чечими менен кафедра болуп түзүлгөн.
1966-76-жылдары кыргыз тили жана орус тили мугалимдери бир секцияда эмгектенишип, секцияны С.И.Кравцева жетектеген. Ал кездеги мугалимдерибиз, эл агартуунун мыктылары К.Касымалиева, Э.Сыдыкова, Г.Акпаралиева, ф.и.к. Б.Эралиевалар азыр ардактуу эс алууда.
1976-жылдан баштап кыргыз тилчилер тобу өзүнчө секция болуп түзүлүп, 1987-жылга чейин К.Касымалиева, 1987-90-жылдары Н.Азылов, 1990-жылдан 2005-жылга чейин «Эл агартуунун отличниги», ага окутуучу Ш.Н.Мондошов , 2005-2006- окуу жылында ф.и.к. Г.Т.Жамгырчиева, 2006-2007- окуу жылында улук окутуучу Н.О.Турганбаев, 2007-2008-жылдары ф.и.к., доцент К.А.Исаков, 2008-2019-жылдар аралыгында улук окутуучу К.Б. Жаанбаева жетектеп келди. Ал эми 2019-2020-окуу жылынын ноябрь айында ОГПИнин Окумуштуулар кеңешинде конкурстук негизде кафедранын башчысы кызматына ф.и.к., доцент Ж.Т. Джумаева шайланды.
Учурда кафедра КР Билим берүү жана илим министрлиги тарабынан бекитилген Жогорку кесиптик билим берүүнүн Мамлекеттик билим берүү стандарты. 550000 педагогикалык багыт, 550300 филологиялык билим берүү - Академиялык даражасы: бакалавр. - Бишкек – 2015. Жогорку кесиптик билим берүүнүн Мамлекеттик билим берүү стандартынын негизинде иш алып барат. Кафедра 2012-2013-окуу жылынан тартып 550300- Филологиялык билим берүү багыты бакалавр академиялык даражасы программасынын негизинде кыргыз тили жана адабияты боюнча кадрларды даярдайт.
Кыргыз тили жана адабияты кафедрасы өз ишмердүүлүгүндө социалдык –экономикалык жана илимий-техникалык прогресстин талабына ылайык окутууну тынымсыз өркүндөтүү жана кеңири профилдеги адистерди даярдоону алдына максат кылып коет.
