МАМЛЕКЕТТИК ТИЛДИН 34 ЖЫЛДЫГЫНА КАРАТА АДАБИЙ-МУЗЫКАЛЫК КЕЧЕ ӨТТҮ

Бүгүн Ош мамлекеттик педагогикалык университетинде “Тилибиз биздин – дилибиз” аттуу майрамдык кече уюштурулду.

Саамалык эне тилди даңазалоо максатында Кыргыз-Россия факультетинин Кт-23 тайпасы тарабынан уюштурулуп, ага факультеттин деканы Шамир Мондошов баштаган жамаат жана студенттер катышты.

Иш чарада кыргыз тилин даңазалаган көркөм окуу, манас айтылып, ыр-бийлер аткарылды. Тил жөнүндө учкул сөздөр, макал-лакаптар, сахналык көрүнүштөр тартууланды.

Соңунда факультеттин деканы жана окутуучулар сөз сүйлөшүп, иш чаранын башкы максаты жаштардын өз тилин сүйүүгө, урматтоого тарбиялоо экенин белгилешти. Бул менен бирге студенттердин мыкты даярдык менен катышканын айтып, эне тилди өнүктүрүүгө аз да болсо салым кошуп жаткандарына алкыш билдиришти.

Белгилей кетсек, 1989-жылы 23-сентябрда Кыргыз ССРинин Жогорку Совети Кыргыз ССРинин мамлекеттик тили жөнүндө мыйзамын кабыл алып, андан соң кыргыз тилине Мамлекеттик тил макамын берген.