АЙТМАТОВДУН КААРМАНДАР ГАЛЕРЕЯСЫ САХНАДА
АЙТМАТОВДУН КААРМАНДАР ГАЛЕРЕЯСЫ САХНАДА
Ош мамлекеттик педагогикалык университетинде “Каармандар жашайт кылымга, Чыңгыздай жылдыз турганда” аттуу каармандардын галереясы болуп өттү.
Иш чара залкар жазуучу Чыңгыз Айтматовдун көркөм дүйнөсүн окурмандарга таанытуу, анын чыгармаларынын бүгүнкү күндөгү актуалдуулугун жеткирүү жана окутуучулардын педагогикалык чеберчилигин өнүктүрүү максатында уюштурулуп, ага колледждин студенттери катышты.
Саамалыктын жүрүшү студенттердин чыгармачылык менен колго жасалган көргөзмөлөрү стол үстүнө жайылды. Аны улай таланттуу студенттер тарабынан “Кызыл алма”, “Деңиз бойлой жорткон ала дөбөт”, “Гүлсарат”, “Кассандра тамгасы”, “Жамийла”, “Тоолор кулаганда”, “Биринчи мугалим” сыяктуу жазуучунун 15 чыгармасынан үзүндүлөр аткарылды. Аталган сахналык көрүнүштөр колледждин 15 тайпасынын таланттуу студенттери менен бирге кафедранын окутуучулары тарабынан даярдалган.
Белгилей кетсек, иш чара Чыңгыз Айтматовдун 95 жылдыгына карата “Кыргыз тили жана Айтматов ааламы” аталышындагы үч айлыкты жыйынтыктоо максатында колледждин мамлекеттик тил кафердасы тарабынан уюштурулган.
Иш чара Чыңгыз Айтматовдун 95 жылдыгына карата “Кыргыз тили жана Айтматов ааламы” аталышындагы үч айлыктын алкагында уюштурулуп, мында колледждин англис тил адистигинде окуп жаткан 2-курстун студенттери мелдеш курушту.
Аталган сынак 6 бөлүктөн туруп, мында катышуучулар чыгармачылык менен изденип, саламдашуу, команданын атын коргоо, көргөзмө, музыкалык үй тапшырма, суроо – жооп жана сахналык көрүнүштөрдү аткарып көрүүчүлөргө жагымдуу маанай тартуулашты. Кыргыз элинин чыгаан уулуАйтматовдун улуттук маданияттын өнүгүшүнө баа жеткис салым кошкондугу бүгүнку сынакта да дагы бир жолу далилденди.
Жыйынтыгында калыстар тобунун чечими менен жеңүүчүлөр аныкталып, аларга уюштуруу тобу тарабынан сертификаттар жана баалуу белектер тапшырылды.
