Үй-бүлөдөгү зордук-зомбулук
9.12.2024-жыл. ОшМПУ. Колледж
Мектепке чейинки педагогика жана жекече усулдар кафедрасы.
Гендердик зомбулукка каршы 16 күндүк кампаниянын алкагында МЧ-23-4 тайпасынын студенттери ачык тарбиялык саат өткөрүштү.
Бүгүнкү күндөгү зордук зомбулукка каршы күрөшүү жана адам укуктарын, эркиндиктерин сактоо боюнча иш-чара өткөрүлдү. Азыркы учурдагы теңсиздик, үй-бүлөдөгү чыр чатактардын келип чыгуу себептерин изилдөө, жашы жете элек балдарды басмырлоо жана коркутуу байма-бай болуп жатканынын себептерин талкуулашты. Ар бир адам өз укуктарын билүү жана коргонууга укуктуу экенин видео- роликтер, слайддар жана плакаттар аркылуу тастыктап көрсөтүп беришти.
Үй-бүлөдөгү зордук-зомбулук, бала бакчадагы тарбиячынын балага жасаган туура эмес мамилеси жөнүндө талкуу жүргүзүп, студенттер өздөрүнүн укуктарын билүүгө милдеттүү экен көрсөтүштү. Зордук-зомбулукту болтурбоо үчүн ар бир жаран өз укуктарын билүү андан коргоону каршы күрөшүүгө толук кандуу укуктуу экенин далилдеп, үгүттөө иштерин жүргүзүү зарыл экенин баса белгилешти.
Адам укуктары жана эркиндиктери боюнча Кыргыз республикасынын конституциясынын 2 беренесинде көрсөтүлгөнүн жана ар бир адам жарандык укукка ээ экендиги жөнүндө маалымат алышты.
Ачык тарбиялык саатта көптөгөн талкуулар жүргүзүлүп, студенттер мыкты даярдыкта экендигин көрсөтүштү.
