ОшМПУда МУЗЫКАЛЫК КӨРГӨЗМӨ УЮШТУРУЛДУ

Бүгүн Ош мамлекеттик педагогикалык университетинин Музыкалык билим берүү кафедрасында музыкалык окуу усулдук көргөзмө уюштурулду.

Иш чара окуу жайдын маданий чөйрөсүн таанытуу максатында уюштурулуп, ага университеттин ректору Бекмурза Зулуев баштаган жетекчилик жамаат жана окутуучулар катышты. Мында окуу усулдук колдонмолор, ачык сабактардын иштелмелери, китептер жана музыкалык аспаптар көргөзмөгө коюлду.

Андан соң, катышуучуларга факультеттин мыкты вокалисттеринин аткаруусунда жагымдуу чыгармалар тартууланды. Ошондой эле санат-насыят ырлары боюнча Роза Аманова уюштурган конкурста жеңүүчү аталган кафедранын 2 окутуучусуна 1-даражадагы диплом жана акчалай сыйлыктар тапшырылды.

Белгилей кетсек, аталган жумалык 17-апрелден 21-апрелге чейин уланып, алдыда ачык сабак, тегерек стол, хордук, вокалдык жана инструменталдык жанрдагы концерттер тартууланмакчы.