ОшМПУда САЛТТУУ МУЗЫКА ЖУМАЛЫГЫ ЖЫЙЫНТЫКТАЛДЫ

Ош мамлекеттик педагогикалык университетинде музыкалык билим берүү жана аны окутуунун усулу кафедрасынын таланттары тарабынан уюштурулган салттуу музыка жумалыгы аяктады.

Иш чара үстүбүздөгү жылдын 17-апрелинен 21-апрелге чейин уланып, анда ачык сабак, тегерек стол, хордук, вокалдык жана инструменталдык жанрдагы концерттик программалар тартууланды. Ал эми соңку күнү студенттер музыкалык аспаптарды ойноп, жандуу чыгармаларды аткарышып, жагымдуу концерт тартуулашты.

Белгилей кетсек, аталган саамалык Кыргыз Республикасынын Маданият, маалымат, спорт жана жаштар саясаты министрлиги жана “Кыргыздын салттуу музыкасы” фонду, "Манас" театры менен биргеликте жарыяланган салттуу музыка жумалыгынын алкагында өткөрүлдү.