Студенттердин илимий-практикалык конференциясы
Бүгүн Колледжде «Жаңы маалыматтык технологиялар мезгилиндеги студенттик илимдин өнүгүшү» аталышындагы студенттердин илимий-практикалык конференциясы болуп өттү.
Аталган иш чара студенттердин алган билимдерин тереңдетүү, бекемдөө жана предметке болгон кызыгуусун арттыруу, ар бир жаш муун коомдо илим менен техника өнүккөн мезгилде учурдун талабына ылайык ар дайым өз билимин өнүктүрүү максатында “Дене тарбия жана табигый илимдер кафедрасы” тарабынан уюштурулду.
Иш чарага колледжден 30га жакын студент катышып, өздөрүнүн макаласын даярдап баяндама жасашты. Жалпы иш чаранын жүрүшүн кафедра башчысы Гулида Нурмаматова көзөмөлгө алып, уюштуруу ишин кафедранын окутуучусу Куштарбек Темирбаев алып барды.
Жыйынтыгында мыкты макала жазып, аны өз деңгээлинде коргогон баядамачылар илимий жетекчилери менен бирге уюштуруу тобу тарабынан диплом жана белектер менен сыйланышты.
