АТА-ЭНЕЛЕР МЕНЕН ТЫГЫЗ ИШ АЛЫП БАРУУ, СТУДЕНТТЕРДИН ИЙГИЛИГИНЕ ӨБӨЛГӨ

АТА-ЭНЕЛЕР МЕНЕН ТЫГЫЗ ИШ АЛЫП БАРУУ, СТУДЕНТТЕРДИН ИЙГИЛИГИНЕ ӨБӨЛГӨ

“Жаштар өлкөнүн азыркысы жана келечеги”- дал ушундай аталыштагы иш чара Ош мамлекеттик педагогикалык университетинин колледжинде болуп өттү.

Аталган саамалык ата-энелер менен тыгыз иш алып баруу жана студенттердин жумуш менен камсыз болуусуна көмөк көрсөтүү максатында колледждин дене тарбия жана табигый илимдер кафедрасы тарабынан уюштурулду.

Жолугушууга кафедранын окутуучулук курамы, дене тарбия адистигинде билим алган 1-2-3-курстун студенттери, ата-энелери жана иш берүүчүлөр катышты. Мында окутуучулар окутуучулар университетте студенттердин татыктуу билим алуусуна түзүлгөн шарттар жана мүмкүнчүлүктөрү, АВН билим порталы, окуу жүктөмдөрү, окутуучулардын, студенттердин жана бүтүрүүчүлөрдүн жетишкендиктери боюнча маалыматтарды беришти.

Бул менен бирге ата-энелер, иш берүүчүлөр жана бүтүрүүчүлөр  куттуктоо сөздөрүн сүйлөшүп, соңунда окууда жана коомдук иштерде ийгилик жараткан студенттердин ата-энелерине ыраазычылык баракчалар тапшырылды.