ОшМПУнун МАГИСТРЛЕРИ ҮЧҮН УСУЛДУК СЕМИНАР УЮШТУРУЛДУ

21-февраль күнү Ош мамлекеттик педагогикалык университетинин магистрлери үчүн усулдук семинар өткөрүлдү.

Иш чара "Мультимедиялык технологияларды сабакта колдонуу" аталышында болуп, магистранттар ортосунда тажрыйба алмашуу максатында окуу жайдын магистратура бөлүмү, математика жана компьютердик технологиялар факультети тарабынан ишке ашты.

Семинардын жүрүшүндө информатика жана жаңы маалыматтар технологиясы кафедрасынын окутуучулары мультимедиалык технологиялардын орто мектептердин окуу процессине киргизүү тарыхы жана келечеги, мультимедиалык технологияларды сабакта колдонуу туурасында илимий баяндама жасап, семинар-сабак өтүп беришти.

Ошондой эле магистранттар окутуучулар менен биргеликте билим берүү процессинин натыйжалуулугун жогорулатуу үчүн колдонула турган ар кандай ыкмаларды жана мультимедиялык технологияларды колдонууга өзгөчө көңүл буруу керектигин кызуу талкуулашты. Окутуучулар мультимедиялык ресурстарга негизделген сабактын иштелмесин смартфондордун жардамында демонстрация кылып, катышуучулар үчүн өзгөчө кызыгуу жаралды.

Натыйжада магистранттар билим берүүнүн акыркы тенденциялары жөнүндө гана маалымат албастан, андагы технологияларды колдонуу менен өз сабактарын түзүүгө машыгышты.