ОшМПУнун МАГИСТРАТУРА БӨЛҮМҮ ТАРАБЫНАН ИЛИМИЙ-УСУЛДУК СЕМИНАРЛАР ӨТҮҮДӨ

Ош мамлекеттик педагогикалык университетинин магистрлери үчүн илимий – усулдук семинар уюштурулду.

Иш чара "Айтматов ааламы" аталышында болуп, ал окуу жайдын магистратура бөлүмү, кыргыз тили жана адабияты кафедрасы тарабынан уюштурулуп, Фбк-22 тайпасынын магистранттарынын катышуусунда ишке ашты.

Мында аталган кафедранын доценти, филология илимдеринин кандидаты Майрамкан Келдибай кызы өзүнүн Чыңгыз Айтматов тууралуу изилдөөлөрү жана Айтматов таануу илиминин азыркы абалы, акыркы изилдөөлөр боюнча жалпы маалымат берди. Андан соң магистранттар адабиятчы, сынчы, окумуштуулардын изилдөөлөрү жөнүндө кызыктуу докладдарын окушуп, кызуу талкуу жүрдү.

Семинардын жүрүшүндө ОшМУнун профессору, филология илимдеринин доктору Гулина Жамгырчиева магистранттарга жазуучунун чыгармалары, ал тууралуу жаңы изилдөө иштери жөнүндө кенен баяндама жасады. Ошондой эле лекторго катышуучулар тарабынан бир топ суроолор берилип, тиешелүү жооптор айтылды. Аталган семинар магистранттардын илимге болгон кызыгуусун арттырып, пайдалуу маалыматтарды алуусуна өбөлгө түздү.