ЖАСАЛМА ИНТЕЛЛЕКТ БОЮНЧА МАГИСТРАНТТАРГА АРНАЛГАН СЕМИНАР

Бүгүн Ош мамлекеттик педагогикалык университетинде магистранттар үчүн “5E модели жана жасалма интеллект” аталышында семинар өткөрүлдү.

Иш чара заманбап окутуу ыкмаларын жана жасалма интеллекттин (AI) билим берүүдөгү ролун талкуулоо, окуучулардын потенциалын толук ачуу үчүн магистранттарды заманбап технологияларды активдүү пайдаланууга багыттоо максатында уюштурулуп, аны информатика жана жаңы маалыматтар технологиясы кафедрасынын окутуучусу Айсырга Ырысбаева өттү.

Семинардын жүрүшүндө магистранттарга теңдемелер, 5E модели жана AI технологияларын билим берүү процессинде эффективдүү колдонуу жөнүндө кеңири маалыматтар берилип, иш чара кызуу талкуу жана суроо-жооп менен коштолду. Катышуучулар жаңы билимдерге ээ болуу менен бирге жасалма интеллекттин мүмкүнчүлүктөрүн дагы да тереңден түшүнүүгө аракет жасашты.

Маалымат иретинде, 5E Модели окутуунун эффективдүү ыкмасы. Окутууну Engage (шыктандыруу), Explore (изилдөө), Explain (түшүндүрүү), Elaborate (өркүндөтүү) жана Evaluate (баалоо) деген беш этапка бөлгөн педагогикалык ыкма. Бул ыкма окуучулардын активдүү катышуусун камсыз кылуу менен бирге алардын билим алуу процессин тереңдетет.