Аккредитация: “Эл баасы” Аккредитациялык агенттиги ОшМПУда

Ош мамлекеттик педагогикалык университетиндеги 550600 Көркөм билим берүү багыты (магистратура) “Эл баасы” Көз карандысыз Аккредитациялык агенттиги тарабынан бааланды.

Аккредитациялоонун алгачкы күнү эксперттер өзүн – өзү баалоо отчёту жана андагы тиркемелер менен иштөө боюнча онлайн форматта иш алып барышты. Ал эми 20-февраль күнү эксперттик комиссиянын курамы 550600 Көркөм билим берүү багытынын магистратура академиялык даражасы боюнча билим берүү программасын аккредитациядан өткөрүү максатында окуу жайга келип, университеттин ички жана тышкы инфраструктурасы, материалдык-техникалык базасы менен жакындан таанышып чыгышты.

Бул менен бирге баалоонун жүрүшүндѳ эксперттик топ көркөм билим берүүдөгү теориялык жана практикалык сабактардын уюштурулушун анализдеп, Билим берүү стандартындагы МТБга талаптардын аткарылышын аныктап, жетекчилер, окутуучулар, магистранттар, көмөкчү персоналдар, жумуш берүүчүлөр, ата-энелер жана коомчулуктун өкүлдөрү менен интервьюларды жүргүзүшүп, аккредитациялык талаптардын аткарылышына жооп алышты.

Ошондой эле окуу-усулдук иш кагаздары менен иштөө (НБПП, ОМК), штаттык жадыбал, структуралардын иш пландары жана алардын аткарылышына жүргүзүлгөн мониторингдер боюнча интервьюлардан алынган маалыматтардын шайкештигин талдашты. Андан соң окуу жай жетекчилиги жана кызыкдар тараптар эксперттик комиссия тарабынан даярдалган жыйынтык маалыматка күбө болушту.

Жыйынтыгында 550600 Көркөм билим берүү багыты (магистратура) Аккредитациялык кеңештин талкуусуна 5 жылдык мөөнөткө өтүү боюнча сунушталды.