ОКУТУУЧУЛАРГА ЖАНА МАГИСТРАНТТАРГА АРНАЛГАН КОНОК-ЛЕКЦИЯ

Бүгүн Ош мамлекеттик педагогикалык университетинде окутуучуларга жана магистрлерге арналган конок-лекция өткөрүлдү.

Конок-лекцияны Ош технологиялык университетинин Экономика жана башкаруу институтунун директору, экономика илиминдеринин кандидаты, доцент Айнура Хамзаева өттү. Мында лектор “Илимий маалымат базалары жана алар менен иштөөнүн өзгөчөлүктөрү (Scopus, РИНЦ жана H-индекс)” аталышында лекция окуду.

Ага ылайык катышуучуларга илимий-маалымат базалары менен иштөөнүн маанилүүлүгү, негизги илимий –матрицалык көрсөткүчтөр, илимий – маалымат базалары (Scopus, РИНЦ жана H-индекс) боюнча кеңири маалыматтар берилди. Бул менен бирге лектор журналдарга макаланы даярдоо, жарыялоо жолдору, импакт-фактор, хирш индекси, квартиль (Q), байланбаган публикациялар жана шилтемелер боюнча айтып, саамалык кызуу талкуу жана суроо-жооптор менен коштолду.

Белгилей кетсек аталган иш чара окуу жайдын 100 жылдыгына карата математика жана компьютердик технологиялар факультети тарабынан уюштурулду.