МАГИСТРАНТТАРГА АРНАЛГАН КЕЗЕКТЕГИ КОНОК-ЛЕКЦИЯ

Бүгүн Ош мамлекеттик педагогикалык университетинде магистранттар үчүн “Мугалимдин этикалык принциптери” аталышында конок-лекция өткөрүлдү.

Бул ирет магистранттарга практикалык багытта сабак өтүлүп, саамалыктын коногу ОшМУнун филологиялык билим берүүнүн технологиялары кафедрасынын окутуучусу Нурила Заирова болду.

Мында катышуучулар мугалимдин инсандыгы, аброю, окуучулар менен баарлашуусу, мугалимдер ортосундагы байланыш, администрация менен жана окуучулардын ата-энелери менен болгон мамилеси сыяктуу жалпы мугалимге тиешелүү болгон этикалык принциптер туурасында кеңири маалыматтарга ээ болушту.

Бул менен бирге топтор ортосунда кызыктуу суроо-жооптор, кызуу талкуулар жүрүп, сабак жылуу пикирлер менен соңуна чыкты.